Nagsanyog na sa Tropical Depression ukon nangin Bagyo WILMA na ang ginamonitor nga Low Pressure Area sa nasidlangan sang Visayas.
Ang Tropical Depression WILMA ang ulihi nga nasiplatan sa 625 km East sang Catarman, Northern Samar.
Dala sini ang kabaskugon sang hangin nga nagadangat sa 45 km/h kag pagmadlos nga tubtob 55 km/h.
Ini ang nagahulag padulong sa West Southwestward nga dereksyon sa kadasigon nga 20 km/h.
Ginpaidalom na sa Tropical Cyclone Wind Signals ang pila ka bahin sang Visayas kag Mindanao.
SIGNAL NO. 1
VISAYAS
-Northern Samar
-Eastern Samar
-Samar
-Biliran
-Leyte, kag
-Southern Leyte
MINDANAO
-Surigao del Norte kalakip ang Siargao, Bucas Grande Islands kag Dinagat Islands
Ang Bagyo ang ginalantaw nga mapadayun sa iya banas tubtob sa Sabado antes magliko sa nakatungdan nga dereksyon.
Dako ang tyansa nga ang Bagyo WILMA ang magalandfall sa Eastern Visayas ukon sa Dinagat Islands bwas sa gab-i ukon sa Sabado sang aga.
Ginalantaw nga may gamay pa nga pagbaskog sa Bagyo antes ang paglandfall, apang mataas ang tyansa nga ini ang mapabilin lamang sa Tropical Depression category.
Tabukon sini ang Visayas tubtob sa Lunes kag magalapos sa Sulu Sea.
Mahimo man nga maglabay ini malapit sa Northern Palawan sa Lunes sang gab-i ukon Martes sang aga.
Ginalauman naman nga magabaskog pa ang Bagyo pagdangat sini sa West Philippine Sea.
