Alas-8:00 kagab-i, nakasulod na sa Philippine Area of Responsibility ang ginamonitor nga Low Pressure Area.
Alas-3:00 kaina sang kaagahon, ang LPA ang nasiplatan sa 705 km sa nasidlangan sang Eastern Visayas.
Ini ang may mataas nga tyansa nga magsayog sa Tropical Depression ukon mangin Bagyo sa masunod nga 24 oras.
Hinali nga mangin Bagyo, ini ang hingadlan nga Bagyo WILMA.
Sa karun, wala pa sang derekta nga epekto ang LPA sa pungsod.
Subong nga adlaw, lauman ang lapnagon nga mga pag-ulan nga kun kis-a may kaupod nga pagpangilat kag pagpanaguob sa Catanduanes, Albay, Sorsogon, Northern Samar, Eastern Samar, kag Samar tuga sang Shear Line, ang pagbunggu-anay sang mabugnaw nga Northeast Monsoon ukon Hangin Amihan kag mainit nga Easterlies ukon ang hangin nga gikan sa Dagat Pacifico.
May gindagdag naman nga heavy rainfall warning subong nga adlaw sa Catanduanes, Albay kag Sorsogon, nga mahimo bubuan sang 50-100 mm nga tubig ulan.
Mangin magal-umon man ang kalangitan sa Cagayan Valley, Cordillera Administrative Region, Aurora, kag Quezon, nga magatuga sang maulanon nga panahon dala sang Amihan.
Samtang tumalagsahon nga mahinay nga mga pag-ulan ukon pagpanalithi lamang ang mahimo mabatyagan sa nabilin nga bahin sang Luzon, nga apektado gihapon sang Amihan.
Mangin makanay man ang panahon sa nabilin pa nga bahin sang pungsod, luwas sa mga tyansa sang gulpyada kag makadali nga pag-ulan dala sang Localized Thunderstorms.
