Alas-2:00 kaina sang kaagahon, ang ginabantayan nga Low Pressure Area gikan sa Pacific Ocean ang nakasulod na sa Philippine Area of Responsibility.
Alas-3:00 kaina sang kaagahon, ulihi nga nasiplatan ang LPA sa 945 km sa nasidlangan sang Visayas.
Kun kahapon manubo ang tyansa nga mangin Bagyo ang LPA, sa latest analysis, nakita nga may-ara na sang moderate nga tyansa nga ini ang mangin Bagyo.
Hinali nga mangin Bagyo bwas ukon sa Domingo, ini ang hingadlan nga Auring, ang una nga Bagyo subong nga 2025.
Makita sa latest satellite animation nga nagapalapit na sa kadutaan ang LPA, kag mahimo maglab-ot sa Bicol Region kag Eastern Visayas sa weekend.
Apang mahimo pa nga magbag-o ang scenario ukon maglain ang banas sang LPA.
Apang maseguro nga ang LPA ang makatuga sang maulanon nga panahon sa Bicol Region, Visayas kag Caraga Region.
Sa pagpalapit sini sa kaadutaan, pabaskugon pa sang LPA ang Southwest Monsoon ukon Hangin Habagat indi lamang sa Luzon, kasubong man sa nakatungdan nga bahin sang Visayas kag Mindanao.
