BACOLOD CITY – Liwat naman nagluntad ang ginapatihan isa ka insidente sang fish kill sa banwa sang Pontevedra, probinsiya sang Negros Occidental.
Base sa mga litrato nga ginpadala sang isa ka tagpalamati sang Bombo Radyo, makit-an ang nagalutaw kag patay na nga mga isda sa higad sang suba sa nasambit nga banwa.
Sa pagpakig-angot sang Bombo Radyo sa Pontevedra Municipal Police Station, ginkumpirmar ni SPO1 Sornito nga may ginpa-blotter sa ila talatapan nga isa ka insidente sang fish kill.
Suno sa blotter, Marso 31 sang aga sang makit-an ang nagkalamatay nga mga isda sa Tuburan creek, Barangay DSB, Pontevedra.
Gilayon nga nagpatigayon sang water sampling ang Department of Environment and Natural Resources (DENR) upod sa Bantay Dagat sang banwa agut matumod ang gintunaan sang pagkalamatay sang mga isda.
Ginkumpirmar man ni SPO1 Sornito nga ang tubig sa Tuburan creek ang nagalapos sa bioethanol plant sa ciudad sang La Carlota.
