Gina-assess sang mga Philippine Army ang sitwasyon kun pahanugutan na ang mga residente sang Barangay Carabalan, ciudad sang Himamaylan nga nag-evacuate kahapon kasunod sang engkwentro sa tunga sang mga suldado kag mga miyembro sang New People’s Army.
Sa interview sang Bombo Radyo kay 303rd IB commander Brigadier General Inocencio Pasaporte, sporadic lang ang bayluhanay sang lupok kaina sang aga kag malapit lang sa sentro sang Carabalan ang site.
Suno kay Pasaporte, gina-assess ang mga natrap nga armado nga rebelde sa lugar bangud contained ini sa isa ka area kag pagkatapos sini, igadeklarar na sang militar nga safe na nga makabalik sa ila balay ang mga residente.
Suno sa Army official, nagapasalamat sila sa suporta sang local government unit sang Himamaylan kag sa Philippine National Police sa mga evacuees kag pagpasiguro nga yara sila sa luwas nga lugar kag indi maipit sa engkwentro.
Ginpasalig ni Pasaporte nga ginasunod nila ang rules of engagement nga indi maipit ang mga sibilyan agud sila ang luwas.
