Gobernador sang Negros Occidental, bukas sa privatization sang Mambukal Resort

Bukas ang gobernador sang probinsiya sang Negros Occidental nga I-privatize ang pagdumala sang Mambukal Resort sa banwa sang Murcia.

Suno kay Governor Eugenio Jose Lacson, nagapabilin nga bukas ang iya opsyon kun dumalahan sang pribado nga kompaniya ang kilala nga resort.

Apang ginapasiguro ni Lacson nga ginatinguhaan sang provincial government nga madumalahan sang husto ang resort.

Aminado ang gobernador nga dako ang income ang ginahatag sini sa provincial government.

Nahibaluan nga yara sa idalom sang Economic Enterprise Development Department (EEDD) ang Mambukal Resort kag isa ini sa income-generating enterprise sang probinsiya sang Negros Occidental.