Ginhangkat sang gobyerno sang Pilipinas ang mga partido sa Israel-Hamas conflict nga gilayon nga ibalik sa negotiating table matapos ang pagpang-atake sang Israel sa Gaza nga gintunaan sang kamatayon sang masobra 400 ka mga pumuluyo.
Ginlaragway sang Israeli military ang pagpang-atake sang Martes bilang “preemptive offensive” nga may tinutuyo nga mapahina ang abilidad sang Hamas nga maglunsyar sang pagpang-atake batok sa Israel kag agud magrebuild kag magrearm sang pwersa.
Gina-alegar nga gintarget sang Israel ang mid-ranking military commanders, leadership officials kag terrorist infrastructure nga ginapanag-iyahan sang Hamas.
Ang pagpang-atake ang natabo pila ka mga semana matapos wala nangin madinalag-on nga mag-agree sa isa ka extension sa ceasefire nga nakasugtan sa Enero 19.
