-- ADVERTISEMENT --
Mas pagatutokan sang golf player nga si Daniella Uy ang pagbuild sang confidence kag momentum sa game sa pagpadulong sini sa ICTSI Negros Occidental Classic sa ginalauman sini nga makuha ang dominant finish para sa Ladies Philippine Golf Tour season.
Matapos ang dramatic victory sini sa ICTSI Bacolod Golf Challenge, tuyo ni Uy nga makuha ang back to back win antes ang pagbalik sini sa LPGA sang Taiwan (TLPGA).
Ang tournament ang maga-umpisa sa Oktubre 22 kag luyag sini nga gamiton ang Negros Classic bilang stepping stone agud nga makuha ang kadalag-an.
Sa ciudad sang Bacolod, nangin mahumok ang pagdaog ni Uy nga suno sa iya ang pressure kag thrill nga iya nabatyagan ang nagduso sa iya para magdaog.
