Ginpahayag ni Negros Occidental Governor Eugenio Jose “Bong” Lacson nga wala pa ini nakabaton sang official documents nagikan sa San Miguel Corporation tuhoy sa pagwithdraw sang ila nga application para sa Environmental Compliance Certificate para sa proposed 300-megawatt liquefied natural gas power plant sa ciudad sang San Carlos.
Sa sulat nga ginpadala sang Environmental Management Bureau, nagdesisyon ang proponent nga indi nalang pagdayunon ang ECC application para sa 300-megawatt LNG Combined Cycle Power Plant Project gani ginwithdraw naman ini sang opisina sa listahan sang ECC applications.
Suno kay Lacson, wala pa ini nakabaton sang official documents nagikan sa proponent tuhoy sa withdrawal sang SMC magluwas lamang sa nagakabatian sini sa media.
Nagapati ang gobernador nga ini ang isa ka business decision.
Santo sa impormasyon nga nagagwa, suno kay Lacson, ila man ginhold ang plano nga magbutang sang LNG Combined Cycle Power Plant Project sa San Carlos.
Nagapati ang gobernador nga wala indi ang mga pagpamatok nagikan sa simbahan ang rason kun ngaa sila ang nagwithdraw kundi kabahin ini sang desisyon sa negosyo.
Suno kay Lacson, magadepende naman sa korporasyon kun ila ini pagahimuon nga official.
