Handa nga una nga magpabakuna batok sa COVID-19 ang gobernador sang Negros Occidental kun kinahanglanon agud ma-engganyo ang mga pumuluyo nga magsunod man sa nasambit nga tikang.
Sa interview sang Bombo Radyo kay Governor Eugenio Jose “Bong” Lacson, aminado ini nga madamo sa mga pumuluyo ang nagaduha-duha nga magpavaccine.
Suno kay Lacson, mangin siya ang na-engganyo lang man nga magpabakuna sang nakit-an sini nga nagpaturok man si Pope Francis kag nagpanawagan sa mga pumuluyo sa ila paghimo sang social responsibility.
Apang suno sa iya, dapat ang kaangay man nga vaccine nga gingamit sa Santo Papa ang gamiton kag nagalaom nga kuntani may yara sang diber nga magpili sang bakuna ang mga pumuluyo.
Naintindihan man sini nga wala sa karun sang choice bangud limitado lang ang resources kag kun ano ang available amu lang ang sarang nga magamit.
Gindugang man sini nga nagpasalig man ang national government nga safe ang tanan nga brands sang bakuna.
