Gindayaw sang gobernador sang probinsya sang Negros Occidental ang una nga state visit ni President Ferdinang “Bongbong” Marcos Jr. sa pungsod Indonesia kahapon.
Nahibaluan nga ang state visit sang presidente sa Indonesia ang nag-umpisa kahapon September 4 tubtob September 6.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, husto ang ginhimo sang presidente nga unahon sa pagbisita ang kaingod nga pungsod sa Southeast Asia.
Ginalantaw man sang gobernador nga gin-una sang presidente bisita ang kaingod nga pungsod sa Southeast Asia komparar sa mga dalagko nga pungsod agud nga makaestorya ang mga lideres sa pagpabaskog pa sang bilateral agreements kag mapasanyog ang ekonomiya.
Nagpanugyan man si Lacson nga indi lang mag-expect gilayon nga may impact gilayon sa tion nga magbalik ang presidente nagikan sa state visit.
