Patay ang isa ka Grade 10 student matapos ginbuno sa atubang mismo sang VMA Global College sa Purok San Sebastian, Barangay Sum-ag, ciudad sang Bacolod kaina sang udto.
Ginkilala ang biktima nga si Alexis Finish, 16-anyos kag residente sang Purok Nami-Nami 1, Barangay Sum-ag samtang ang suspetsado naman amo si Ray Jan Carmelotes, 27-anyos sang Purok A. C. Yulo sang amo man nga barangay.
Santo sa imbestigasyon sang Bacolod Police Station 9 nga hinali nalang nga ginbuno sang makapila ka beses ni Carmelotes si Finish sa sagwa sang eskwelahan gamit ang kitchen knife.
Nakaangkon sang pito tanan ka mga pilas tuga sang pagbuno ang biktima.
Ginapahayag nga may yara sang utang si Finish sa magulang ni Carmelotes.
Gilayon naman nga nadakpan ang suspetsado samtang ginhingagaw naman dala sa ospital ang biktima agud nga madapatan sang nagakaigo nga pagbulong.
