Mahibaluan na karun sa hapon kun sin-o ang masunod nga malakip sa Bombo Millionaires Club, sa Grand Draw sang Buena Mano Salvo Year 20 promo sang Bombo Radyo kag Star FM, alas-4:00 karun sa hapon.
Luwas sa magadaog sang P1 million, may apat man nga Regional Prize winner nga magadaog sang tag-P50,000 gikan sa Luzon, Visayas, Mindanao kag NCR.
Madumduman nga nag-umpisa ang promo sang Marso 1, kag magatakop na subong nga Mayo 9, gani maghingagaw na sa pagpadala sang entries sa estasyon sang Bombo Radyo Bacolod tubtob alas-12:00 karun sa udto.
Madumduman nga sa nakaligad nga semana, tatlo ang nagadaog kada adlaw Lunes tubtob Biyernes.
Ini ginalakipan sang duha ka daily winner nga nagbaton sang P1,000 cash kag balor P1,000 nga gift pack, kag isa ka special winner nga nagdaog sang P500 cash kag limited edition 60th Anniversary Bombo Radyo Exclusive AM/FM transistor radio nga indi fixed dial.
Kada Sabado, luwas sa mga games kag videoke challenge, may 10 man nga nagdaog sang tag-P1,000 cash paagi sa Barangay draw nga ginhiwat sa nagkalainlain nga Barangay sa Bacolod City.
Sa kabug-usan, nagdangat sa P8 million ang total prizes nationwide sa Buena Mano Salvo Year 20 Promo: Araw-araw balde-baldeng pa-premyo na, may cash pa!.
