Nagtumbo sa kalipay ang grand draw winner sang Buena Mano Salvo Year 20 promo sang Bombo Radyo kag Star FM sang nalawagan ang iya pangalan bilang tagdaog sang P1 million nga premyo.
Suno kay Sheryl Tiologo, 39 anyos, sang P-6 Matin-ao, Barangay Bonbon Butuan City, kahapon alas- 3:00 sang hapon samtang nagapanyaga kun sa diin kape lamang ang iya sud-an, gintawag sini ang iya bana para i-on ang radyo agud mabatian kun sin-o ang mga tagdaog.
Suno diri, naghambal pa ini nga kun sin-o man ang mga winner sila ang mga ginpili sang Ginoo para magdaog.
Apang, sang ginlawag ang iya pangalan bilang grand draw winner, nagtumbo ini sa kalipay kag mahinay nga nasumbagan ang iya bana.
Suno pa kay Tiologo wala na sini nahimo pa mapadayon ang iya panyaga bangod sa kalipay.
Sa karun plano sini nga gamiton ang premyo ipakay-o sang ila balay nga wala pa natapos kag ibayad sa mga utang sa pagpakay-o.
Dugang pa sini, magahatag man siya sang pagpasalamat sa Ginoo kag baklon sini ang salakyan nga madugay na nila ginaplano nga mabakal.
Pahayag ni Tiologo, wala ini naglaum nga siya ang magadaog sang P1 million nga premyo kag dako ang pagpasalamat sini sa Bombo Radyo kag Star FM kasubong man sa tanan nga sponsors.
Samtang, napilian naman ang mga tagdaog sang P50,000 regional prize winners sa Luzon, Visayas, Mindanao kag National Capital Region.
Sa NCR napilian nga tagdaog amo si Helen Motol sang 90 Upper Molave St. Payatas B., Quezon City, gamit ang proof of purchase nga Universal Robina Corporation.
Sa Luzon, ang regional prize winner amo si Vanessa Ballesteros, 40 anyos, sang barangay 1, Laoag City sa proof of purchase nga Orocan.
Sa Visayas ang tagdaog amo si Ronnie Gallo, 53 anyos, sang Brgy. Villahermosa, Pagsanghan Samar sa proof of purchase nga Efficascent Oil.
Sa Mindanao, ang napilian nga regional prize winner amo si Edward Bayato sang Prk Aquino Gate Poblacion Polomolok South Cotabato sa proof of purchase nga Megascent Oil.
