Ginpahayag sang Executive Vice President sang Bayan Munanga magapasaka man ang pila ka abogado sang counter charges batok sa mga kapulisan kag iban pa nga security forces nga naggamit sang pwersa batok sa mga nagapatigayon sang protest-rally kadungan sang 49th Association of Southeast Asian Nation (ASEAN) Summit.
Madumduman nga masobra 200 ka mga persona ang ginpang-aresto, apang ginbuy-an man matapos ginbasura ang mga ginfile nga kaso sang kapulisan.
Sa interview sang Bombo Radyo Bacolod kay Atty. Carlos Isagani Zarate, nakahibalo ang kapulisan sa kinamatarong sang mga pumuluyo nga magpahayag sang hibubun-ot sa gobyerno.// Matawhay man ang pagprotesta apang nagkinagamo lamang sang nangin agresibo na ang mga security forces.
Suno diri, yara na sa desinyo sang security forces partikular na sang kapulisan nga balabagan ang kinamatarong sa pagpahayag sang pumuluyo.
Gani wala na natingala si Zarate nga ginbasura sang piskal ang ginfile nga kaso sang kapulisan.
Ginpasalamatan man sini ang mga abogado nga nagbulig sa mga nabiktima sang mass detention, kaangay sang National Union of People’s Lawyer.
Suno diri, gintindugan sang kapulisan nga nalapas ang Batasang Pambansa 880, apang ang kinamatarong sa pagpahayag sang hibubun-ot sa gobyerno ang ginagarantiya naman sang 1987 Constitution.
Pahayag ni Zarate nga madamo pa sang ginpriso nga wala nabuy-an partikular na ang mga minors nga gindala sa Department of Social Welfare and Development.
Sa karun, ginatun-an na ang mahimo pagfile sang counter charges sa mga kapulisan nga naglapas sang kinamatarong sang pumuluyo.
Nagapati ini nga luyag lamang sang kapulisan nga hatagan sang kabudlayan ang mga pumuluyo gani sila ang nagfile sang kaso apisar nga nakahibalo na nga ini ang mabasura.












