Timor-Leste Prime Minister Kay Rala Xanana Gusmao, nangin sentro sang atensyon matapos magsaot upod sa mga performers sa ASEAN Summit
-- ADVERTISEMENT --

Nangin sentro sang atensyon sa social media si Timor-Leste Prime Minister Kay Rala Xanana Gusmao bangud sa iya mapagsik nga pagsaot kag pag-intra sa mga performers sa ika-49th ASEAN Summit.

Nagalapta subong ang video sang Prime Minister sa social media sa diin makita ang iya pagsaot sa closing ceremony sang nasambit nga regional gathering.

Madamo nga mga netizens ang nalipay sa iya ginpakita nga energy kag ginpahayag nga sila ang nalingaw gid nga makita nga naga-enjoy si Gusmao sa okasyon.

Lakip sa closing ceremony ang pag-perform sang P-pop group nga SB19, kasubong man nanday Julie Anne San Jose kag Gary Valenciano.

Ginsaot man ang mga cultural kaupod ang ASEAN Band, UP Filipiniana Dance Group, Dancembles, Maridance, kag W3.

-- ADVERTISEMENT --

Sa pagtakop sang cultural presentation, makita nga nagasaot si Gusmao sa pag-perform sang SB19.

Indi lamang sa closing ceremony ginpakita sang prime minister ang iya pagkamasinadyahon.

Sa opening ceremony pa lamang, makit-an na sa iya nga reaksyon nga ini ang nagahatag gid sang atensyon kag importansya sa mga welcoming performances sang nagkalain-lain nga grupo.

Antes nagsulod ang prime minister sa Philippine International Convention Center, nagduko pa ini bilang pag-greet sa mga performers.

Ini ang nagaupod man saot sa mga performers samtang sakay sang e-trike samtang nagalibot sa venue.