Grupo sang mga lalaki, naghampang sang basketball sa sulod sang 121 oras kag tatlo ka minutos

Naghimo ang grupo sang mga lalaki sa Georgia ang Guinness World Record paagi sa wala untat nga paghampang sang basketball sa sulod 121 ka oras kag tatlo ka minutos.

Nakumpleto sang miyembro sang Atlanta-based nonprofit Men Opposing Sex Trafficking (MOST), ang ila hampang sang alas-10:00 ang takna sang Biyernes sa gym sa Landmark Christian School sa Fairburn.

Ang 23 ka manughampang nga nagaedad sang 17 tubtob 64 anyos ang required nga magpabilin sa gym sa duration sang attempt bisan nga nakabreak ang mga ini.

Ang final score amo ang 13,096 tubtob 12,972.

Ang kwarta nga natipon sa attempt ang gamiton sa pagpakigbato sa sex trafficking kag suporta sa recovery programs para sa survivors.