Ang kahisa kun kaisa ang nagaduso sa isa ka tawo para maghimo sang indi maayo sa iya isig kapareho.
Isa ka mamumugon ang ginreklamo bangud sa gina-alegar paghilo sang iya mga kaupod sa trabaho agud ini ang ma-promote na.
Ang lalaki ang ginkilala nga si Makoto Kuroda, isa ka lab worker sa University of Wisconsin.
Si Kurada ang ginpasakaan sang kaso nga reckless endangerment kag tampering with a household product nga may intensyon nga makapatay ukon makahalit, matapos niya gin-ako nga iya ginbutangan sang paraformaldehyde kag chloroform ang tubig kag sapatos sang biktima nga si alyas “TM,” isa niya ka kaupod sa Influenza Research Institute sa Madison nga iya nakaupod sa sulod sang lima ka tuig.
Nakadiskubre ang biktima sang mabaskog nga baho sa iya sapatos kag nagpositibo sa chloroform ang mga sample.
Sa imbestigasyon, gin-ako ni Kuroda ang iya ginhimo sa biktima kag sa isa pa ka propesor.
Suno sa Kuroda, iya ini ginhimo bangud sa kaakig kasubong man sa iya ginalaum nga promosyon.
Suno diri, naggamit pa ini sang ChatGPT agud mahibaluan ang husto nga kantidad sang kemikal para sa iya plano.
Santo sa imbestigasyon sang mga otoridad, luyag lamang ni Makoto Kuroda nga mapalab-ot kay TM ang mensahe nga ang tanan nga gaka-eksperyensya sini ang bangud sa malain nga pamatasan.
Suno kay Kurada, nagapati ini nga “bad things happen to bad people.”
