Ginpahayag sang spokesperson sang Bacolod Modernized Jeepney Transport Association, Inc. (BMJTPA) nga nangin madinalag-on man ang ila nga pagpanawagan sang bulig gikan sa Land Transportation Franchising and Regulatory Board (LTFRB) apang ang pamangkot lamang sini kun paano ipatuman ang nadihon nga solusyon sa problema nga ginapangatubang sang modernized jeepney.
Sa interview sang Bombo Radyo Bacolod kay Marcelo Ochia, dako gid nga kadalag-an sa ila ang sabat sang LTFRB sa ila ginpadala nga sulat nga gin-recieve sang July 27, 2026.
Suno kay Ochia, precise ang paghatag sang nasambit nga ahensya sang sabat sa ila lima ka mga request.
Ang una nga ginhatagan sang sabat sang ahensya amo ang pagpugong sang pagreposess sang bangko sang modernized unit bangud sa gindagdag nga foreclosure order.
Dugang pa nga ang LTFRB ang magahatag man financial assistance sa mga operator nationwide.
Ginpahayag man nga magahatag man sang suporta ang nasambit nga ahensya sa administration services sang operators kag drivers kun paano pauswagon ang internal capacity sa fleet management.
