Magaapelar ang Land Transportation Franchising and Regulatory Board (LTFRB) sa mga financing companies natuhoy sa foreclosure order kag iban pa nga gindagdag sa pila ka mga asosasyon sang modernized jeepney operators sa ciudad sang Bacolod matapos nga wala makabayad sa ginapanag-iyahan nga units.
Kahapon nagpadulong sa ciudad sang Bacolod si LTFRB Chairman Atty. Vigor Mendoza II agud nga magpatigayon sang meeting sa transport sector sa isa ka hotel sa ciudad.
Una nga gin-meeting ni Mendoza ang mga traditional jeepney kag pagkatapos sini ang mga modernized jeepney.
Suno kay Mendoza, hingyuon sang mga ini ang mga financing agencies nga makahatag sang konsiderasyon sa mga modernized jeepney operators.
Isa sa gin-cite sang LTFRB nga kun butungon ang mga units, anhon sang bangko gani kinahanglan nga maghimo sang win win solution.
Suno sa LTFRB Chairman, una na sini nga ginhinun-anon ang financing companies antes ang meeting sa mga operators.
Dugang pa nga ang mga moderized operators kag financing companies dapat may yara dapat sang kasugtanan nga himuon agud wala sang makompromiso.
May yara man sang ihatag nga bulig ang LTFRB sa tanan nga mga apektado sang ginapangatubang nga krisis karun apang dapat may yara sang prangkisa.
