BACOLOD CITY — Mangin piloto ang una nga handom sang number 5 sa Top 10 sang November 2017 Chemical Engineer Licensure Examination apang hinali ini nga nagkambyo sa pagka-engineer.
Sa Good Morning Philippines program sang Bombo Radyo Bacolod, ginpahayag ni Jarjolen Jamora alyas Biboy sang Barangay Guinhalaran, ciudad sang Silay nga luyag niya sang yara pa ini sa elementarya nga mangin piloto apang nagkambyo ini sang yara na siya sa high school.
Natabuan man bangud may yara sang scholarship ang Colegio San Agustin gani nag-enroll siya diri.
Si Jamora ang nagtapos sa high school bilang valedictorian rason nga nangin academic scholar siya sa CSA kag nangin scholar man sang Philippine Sugar Technologists Association, Inc.
Aminado si Jamora nga ginbudlayan sila sa pinansyal nga kinahanglanon bangud sa kampo sang tubo nagatrabaho ang ginaistaran niya nga lolo kag lola.
Wala man sila nakapangayo sang bulig sa iya biological father bangud ginakulang man ini sa kwarta.
Suno kay Jamora, daw kaangay nga miracle ang paggraduate niya sa lima ka tuig nga kurso sa pihak sang kapigaduhon.
Dugang pa sini, indi luyag sang iya lolo kag lola nga sa iya pagdako, magatrabaho man siya sa katubuhan.
