Isa ka banwa sa Sweden ang naga-offer sang P6 per sqm nga balor sang duta para mapadamo ang residente sang banwa.
Ang banwa sang Gotene, nga yara sa 200 miles southwest sang Stockholm, ang nagabaligya sang duta sa presyo nga 1-krona ukon 5.58 pesos, per square meter.
Suno kay Johan Mansson, alkalde sang nasambit nga banwa, ila ginhimo ang ini nga promotion para ma-ingganyo ang mga tawo nga magpuyo sa banwa sa karun nga naga-ekspersyensya ang rehiyon sang housing crisis, mataas nga interest rates, kag pagnubo sang birth rates.
Ang kinahinanglan lamang nga requirement para maka-acquire sang duta amo nga dapat magpatukod na ang mga lucky buyers sang balay sa area sa sulod sang duha ka tuig humalin sang sila nagpurchase.
Bulan sang Mayo sang gin-umpisahan ang pagbaligya sang duta, kag may kapin sa 30 ka mga buyers ang interesado kag ini ang ginsundan sang linibo na ka mga manugbakal ang nag-umpisa nga magkontrata sa Gotene City Hall.
Bangod nga madamo na sang luyag nga magbakal, nagdesisyon ang local authorities nga untaton ang programa sa bulan sang Agosto para maghuman sang plano sa pag-handle sang nagasinulod nga requests.
Samtang, ginalauman naman nga igapaidalum sa bidding ang nabilin nga duta sa liwat nga pagbukas sang application sa masunod nga binulan.
