Hagna para sa pagtukod sang Bacolod Economic Zone Authority (BEZA) nagahulag na sa Kongreso

BACOLOD CITY-Nakatalana nga ipasulod sa Committee on Ways and Means sa Kongreso subong nga adlaw ang ginduso ni Bacolod City Lone District Congressman Greg Gasataya nga hagna nga maga-tukod sang Bacolod Economic Zone Authority (BEZA).

Ini matapos nga nakalusot na ang nasambit nga hagna sa Committee on Economic Affairs sang damlag lang.

Suno kay Gasataya, ang BEZA ang nagatuyo nga kilalahon ang lugar sa Bacolod nga posible mahimo bilang economic zone para sa manufacturing, information technology, entertainment kag iban pa.

Dugang pa sang kongresista nga pananglitan nga mangin layi na ang hagna, ini ang maga-resulta sa dugang nga trabaho kag maga-boost sang ekonomiya sang ciudad bangud ginalauman ang pagdamo sang mga foreign investors.