Nagdangat sa masobra sa P11 million ang balor sang halit sa agrikultura sa probinsya sang Negros Occidental matapos ang paglupok sang bulkan Kanlaon.
Madumduman nga nagpadulong sa ciudad sang Bacolod si President Ferdinand ”Bongbong” Marcos Jr. para magpanagtag sang assistance kag suno sa presidente apektado ang masobra sa 9,000 ka mga pamilya ukon kapin sa 27,000 ka indibidwal sang paglupok sang bulkan.
Samtang, nagapabilin sa gihapon sa alert level 2 ang status sang bulkan matapos ini nga naglupok sang Hunyo 3.
Masobra sa 1,500 ka mga indibidwal sa Negros Occidental ang gin-evacuate suno sa Provincial Disaster Risk Reduction and Management Council.
Kasunod sang eruption sang bulkan, gilayon nga ginpaidalum sa state of calamity ang ciudad sang Canlaon kag banwa sang La Castellana.
