Nagdangat na sa masobra sa P38 million ang kahalitan nga gintuga sang fall army worms sa mga kamaisan sa probinsiya sang Negros Occidental.
Sa ulihi nga damage report ang Office of the Provincial Agriculturist (OPA) ang damage sang Fall Army Worms ang nagdangat sa P38,074,800.
Santo sa report, nag-apekto na ang fall armyworms sa 11 ka mga lugar sa probinsiya nga ginalakipan sang La Castellana, Isabela, Binalbagan, Bago City, Don Salvador Benedicto, San Carlos City, Ilog, Sipalay City, Calatrava, Moises Padilla kag Murcia.
Suno kay Negros Occidental Governor Eugenio Jose “Bong” Lacson, isa sa mga kabudlayan sa karun nga ginapangatubang amo ang may ginakaon ang mga fall army worms gani mabudlay ang pagtapna sang mga ini.
Natigayon naman ang bidding sang P3 million nga ginpain sang probinsya para sa bulong kontra sa fall army worms.
