Ginklaro ni Senator-Judge Panfilo Lacson nga wala ini nag-file sang kaso nga perjury batok kay Former Davao Senior Police Officer Arturo Lascañas, isa ka self-confessed member sang Davao Death Squad (DDS).
Naghimo sang manifestation sa ika-siyam nga adlaw sang impeachment trial batok kay Vice President Sara Duterte matapos nga ginpakita ni defense counsel Mark Vinluan ang news article sang 2017 sa tion sang cross-examination kay National Bureau of Investigation (NBI) Director Melvin Matibag, nga nagapahayag nga ginrekomendar sang Senate panel ang perjury case batok kay Lascañas.
Suno kay Lacson, ginrekomenda sa committee report nga ang Revised Penal Code ang amyendahan ilabi na sa section sang krimen nga perjury.
Si Lacson ang chair sadto sang Senate public order committee nga nag-imbestigar sang drug-related deaths kag gina-alegar nga extrajudicial killings sa tion sang administrasyon ni anay President Rodrigo Duterte.
Sa tion sang trial sang Martes, ginpahayag ni Matibag nga ang NBI ang nagbase sa affidavit ni Lascañas nga ginpasa sa International Criminal Court (ICC), nga nagapahayag nga si Duterte ang gina-alegar nagpatuman sang Oplan Tokhang.
Suno sa director sang NBI nga ang Special Task Force nga gintukod sang ahensya ang nag-evaluate sang dokyumento bilang kabahin sang ila nga imbestigasyon sa gina-alegar “pattern of violence” ni Duterte nga may kaangtanan sa gina-alegar nga pamahog batok kay President Ferdinand “Bongbong” Marcos Jr., First Lady Liza Araneta-Marcos, kag anay House Speaker Martin Romualdez.
