Kapin sa 9,900 ka mga electrical appliances nga ngabalor sang masobra P7.7 million ang nakumpiskar sang Department of Trade and Industry (DTI) sang Miyerkules matapos nga matukiban nga substandard ini nga produkto.
Suno sa Fair Trade Enforcement Bureau (FTEB) ang ila nakumpiskar ang ginalakipan sang electric fans, rice cookers, blenders, kettles, kag washing machines, kag ini tanan ang wala naglabay sa husto nga testing process agud nga safe gamiton.
Ginpaandaman sini ang mga konsumedor nga indi magbakal sang mga item nga wala sang Philippine Standard (PS) nga marka ukon Import Commodity Clearance (ICC) sticker ilabi na kun magbakal sang regalo ukon sa mga raffle giveaways sini nga Christmas season.
Humalin sang Abril sini nga tuig, ang DTI-FTEB ang nakakumpiskar sang P340 million nga balor sang substandard products.
