Hamas, ginahulat pa ang sabat sang Israel sa ceasefire deal

Ginahulat pa sang Qatar kag Egypt ang sabat sang Israel sa ceasefire deal.

Ini kasunod sang pagpasugot sang Hamas sa ceasefire deal nga gin-offer sang mediators nagikan sa Qatar kag Egypt.

Nalakip sa mga nasambit nga kasugtanan ang pag-angkon sang ceasefire sang tubtob 60 ka adlaw kag pagrelease sang mga hostages.

Ang nasambit nga proposal ang kaangay sa ginlatag ni US Middle East envoy Steve Witkoff sang bulan sang Mayo.

Apisar nga wala pa sang sabat ang Israel, luyag sang Egypt nga doblehon ang pagpressure sa Israel tubtob nga magpasugot na ini.