Halos indi makapati ang isa ka “Harry Potter” fan nga personal nga makita ang author sang libro nga si J.K. Rowling sa Puerto Princesa Airport, Palawan.
Ginpost ni Angie Formaliza sa social media ang pictures sang iya bata nga si Sky nga nagpa-authograph kay Rowling.
Suno kay Formaliza, nabasa na ni Sky ang bilog nga Harry Potter Series sang pila na ka beses.
Suno pa diri, sa duha ka paskwa nga naglabay, halos Harry Potter-themed items ang ginapangayo ni Sky sa iya wish list kag sa karun tuman ang kalipay sini nga makita sa personal ang author mismo.
Ang blockbuster movie “Harry Potter,” nga base sa libro ni Rowling may yara sang series sa karun kun sa diin si Dominic McLaughlin ang maga-portray kay Potter, si Arabella Stanton bilang Hermione Granger kag Alastair Stout bilang Ron Weasley.
Samtang, si John Lithgow naman amo si Albus Dumbledore, Paapa Essiedu bilang Severus Snape kag Nick Frost bilang Rubeus Hagrid.
