Indi malikawan ang stress sa kabuhi sang isa ka tawo.
Kun kaisa, wala kita nakahibalo, nagaapekto na ini gale sa atun panggawi.
Gani atun hibaluon kun ano ang mga palatandaan nga stressed ang isa ka persona.
Suno kay Doc. Willie Ong, posible nga stressed ang isa ka tawo kun nangin iritable ini kag madasig nga manginit sa mga tawo ukon mga bagay sa palibot.
Isa man sa mga senyales sini amo kun makaangkon ini sang init-init ukon pilas sa bibig.
Makabig man nga palatandaan ang masami nga pagkagutom kag nagapangita permi sang pagkaon nga indi healthy kaangay sang mga prito, nagaunod sang fats kag matambos nga mga pagkaon.
Kun nagasakit ang tiyan kag masami nga wala nagakatunawan, posible nga senyales man ini nga stressed ka.
Dugang nga mag palantaandan amoa ng pag-angkon sang tigyawat sa guya, tuman ka dasig nga pagkuba-kuba sang dughan kag pagsakit sang mga muscles, pagsakit sang ulo kag masami nga pagbatyag sang kakapoy kun sa diin maskin nakatulog ini, daw kulang gihapon sa pahuway.
Kun nagasuprer ka sang nasambit nga mgaa senyales, ginarekomendar nga magtulog sang walo ka oras kada adlaw kag magpangamuyo agud malikawan ang stress.
