Nangin madinalag-on ang pagpatuman sang Healthy Life at Work Program sa Ignacio L. Arroyo Memorial District Hospital sa banwa sang Isabela, Negros Occidental.
Sa interview sang Bombo Radyo kay Dr Gabby Peñacuba-Palacios, Chief of Hospital sang Ignacio L. Arroyo Memorial District Hospital, may yara sang isa ka empleyado nga nageksperyensya sang Hypertensive Emergency kag nabalaka sila sa health sang empelyado.
Suno diri, nagdesisyon sila nga magdihon sang programa agud matutokan ang wellness sang empleyado sang ospital.
Suno pa diri, ang empleyado may yara sang mga gina-agyan nga kaniya-kaniya nga mga problema kag may worries sa ila pagpangabuhi nga naga-apekto sa ila trabaho kag physical, mental kag emotional health.
Samtang, committed naman ang administrative officer sang ospital nga ipatuman ang Healthy Life at Work Program.
Sa interview sang Bombo Radyo kay Charles Caryl Carlo Villanueva, ila ginatinguhaan nga masunod ang tema sang programa nga Healthy employees, Healthy workplace.
Suno diri, ang programa makahatag sang positibo kag supportive nga work environment para sa employees kag patients.
Nagapati naman ang chief nurse sang ospital nga kinahanglan gid sang empleyado ang prgograma.
Sa interview sang Bombo Radyo kay Ma Cheryl Generales, kinahanglan sang nursing service ang prgrama agud ma-increase ang productivity sang empleyado, mapanubo ang pag-absent sini sa trbaho kag mapa-imporve ang relasyon sang nurse sa pasyente.
Sa karun, ang Ignacio L. Arroyo Memorial District Hospital pa lamang ang ospital nga may yara sang Healthy Life at Work Program.
