Lalaki nga nagpropose sang kasal, ginsukot ang iya nobya sang katunga sang bili sang ginbakal nga diamond ring

Lain-lain ang paglantaw sang tawo angot sa pagtunga sang mga magkahagugma sa mga balayran.

Apang kun sa engagement ring kinahanglan pa bala magtunga ang couple sa balor sini?

Sa Taiwan, nangin kontrobersyal ang isa ka lalaki matapos mag-propose ini sa iya nobya kag ginsukot ini sang katunga sang balor sang singsing nga nagdangat sa $4,900 ukon P274,311.

Sa post sang babayi, ginpaathag niya nga estable ang ila relasyon sa sulod sang apat ka tuig kag wala man sang problema sa split-the-bill rule.

Apang nagwa ang issue matapos nga ginhinguo siya sini nga magbayad sang katunga sang diamond ring nga ginbakal para sa iya.

Bangud sini, may nagkomento nga bulagan na lang sang babayi ang iya nobyo.