Ginsabat sang hepe sang Police Station 2 ang reklamo sang pamilya sang Police nga gin-abduct nga si Police Major Lito Pirote sadtong Biernes Santo.
Sa interview sang Bombo Radyo Bacolod kay Police Captain Leo Estopa, gin-athag sini nga wala sang may nag-vacation leave sa ila bangud naka-hightened alert ang kapulisan sang semana santa, kag wala sila sang janitor sa ila estasyon.
Suno sa iya, 24/7 nga may naka-standby nga personnel sa ila talatapan kag wala gid ini gina-bayaan nga wala sang tawo.
Apang gin-pahayag man sang hepe nga naka-istoryahanay na sila sang pamilya sang bitkima sa diin nagapakig-angot na sila Metro Inn Hotel nga mag-pangayo sang footage sang CCTV nga mahimo makabulig sa imbestigasyon bangud wala pa sila sang lead tubtob subong kun sa diin na kag kun ano na ang kahimtangan ni Pirote, apang nag-pamalibad ang hotel nga maghatag.
Nagapagkig-angot naman sila sa iban pa nga mga establisyimento nga malapit sa nasambit nga hotel agud makakuha sang CCTV footage.
Sa karun, may yara sang narekober sa crime scene sang conduction sticker sa diin ang gwardiya sang Hotel ang nakakita kag gin-turn over sa mga kapulisan, apang sang ila na ini gin-imbestigaran, wala nag-match ang sticker sa van.
Date of airing: April 23, 2019
