Napaslawan nga makakuha sang medalya ang first ever Olympic gold medalist sang Pilipinas nga si Hidilyn Diaz sa 2025 Southeast Asian Games sa Chonburi Sports School sa Chonburi, Thailand.
Nagtapos sa ika-apat nga pwesto ang 34 anyos nga weightlifting ace sa women’s 58kg division nga may total lift nga 200kg sa pagmarka sang iya SEA Games comeback kasunod sang indi niya pagpasakop sa nagligad nga edition sa Cambodia.
Una nga nahakwat ni Diaz ang 88kg sa snatch kag nag-setlle sa 90kg matapos nakuha ang no-lift ruling sa iya final attempt sa 92kg.
Nabudlayan man ini sa clean and jerk kag wala nakuha ang iya final two attempts kag nagtapos sa 110kg para sa overall total nga 200kg.
Si Diaz ang may duha ka gold medal tally sa SEA Games nga nakuha niya sang 2019 kag 2022.
