Masobra P300, 000 nga balor sang suspected shabu ang narekober sa buybust sang Philippine Drug Enforcement Agency (PDEA) Negros Occidental sa ciudad sang Bacolod kagab-i.
Ini matapos nagpositibo ang transaksyon sa high value target nga si Reniel Rivera Alipato sang Brgy. Bata, Bacolod City.
Nakuha kay Alipato ang 55 grams sang suspected shabu nga ginabanta nagabalor sang P364,000.
Suno kay Agent Taguto nga nagpamuno sang operasyon, kabahin pa sang ila follow-up operations ang pagka-aresto kay Alipato.
Madumduman nga Lunes sang gab-i sang naaresto sa Brgy. 10 ang suspetsado nga si Carlo Buncalon, 32-anyos sang Brgy. Mansilingan, Bacolod City.
Nakuhaan ini sang 11 ka bulto sang suspected shabu nga nagabug-at sang 55 grams kag ginabanta nga nagabalor sang P374,000.
Samtang suno kay Agent Taguto, bag-o lang nadul-ungan sang suplay si Alipato kag kun nangin mas temprano ang ila operasyon posible nga nadakpan pa nila ang supplier.
