Makonsiderar na nga solved ang kaso sa pagbuno patay sang 25 anyos nga lalaki sa iya nga tiyo sa Prk San Miguel, Brgy Sum-Ag, Bacolod City sang Lunes, kag nafile naman ang kaso nga murder.
Ang biktima ang ginkilala nga si Mabini Mombay, 44 anyos, samtang ang suspect ang iya naman nga hinablos nga si John Pual Castillo, 25 anyos.
Sa interview sang Bombo Radyo Bacolod kay Police Captain Andy Ofalia, station commander sang Bacolod Police Station 9, nagahigda sa folding bed si Mombay sang ginali na lamang ginbuno-buno ni Castello.
Bangod sa 5-minute response, madasig naman nga nakaresponder ang mga kapulisan kag nasugata nila ang suspect kapin 50 metros gikan sa balay, samtang bitbit pa sini ang patalom nga gingamit sa krimen.
Una sini nga ginpahayag nga may relasyon ang iya asawa kag ang tiyo, gani ginpatay sini ang biktima.
Ginpanindugan naman sang pamilya nila nga hinala lamang sini ang tanan, kag sa karun makita man nila ang paghinulsol sang suspect samtang nakahunong sa Bacolod Police Station 9.
