Nasapwan nga patay ang Hollywood director nga si Rob Reiner kaupod ang iya asawa nga si Michele Singer, sa ila mismo nga balay sa Brentwood, Los Angeles, California, sang Domingo, Disyembre 14, 2025.
Suno sa report, nagresponde ang fire department matapos makabaton sang report nga may nagakinahanglan sang medical aid.
Ginkumpirmar sang otoridad nga ang 79-anyos nga aktor-direktor ang wala na sang kabuhi sang makita ang iya lawas kag may mga samad tuga sang pagpamuno.
Ginapatihan nga homicide ang rason sang kamatayon sang mag-asawa.
Suno sa mga sources, ang ila mismo bata nga si Nick Reiner amo ang gina-alegar nga suspek.
Nahibaluan nga nagagamit ang suspek sang illegal nga druga kag ini ang nagagwa-sulod sa rehabilitation center.
Sa karon, padayon pa ang imbestigasyon kag nagapabilin man nga at large ang suspek.
