Pormal na nga gin-imbitahan sang House Committee on Justice si Vice President Sara Duterte agud personal nga magtambong sa hearing sang impeachment complaints batok sa iya nga natalana nga hiwaton sa Marso 25.
Diskusyonan sa hearing ang ground rules kag mga nagapanguna nga proseso sang mga reklamo nga gin-file batok kay VP Sara.
Nalakip sa agenda ang “Discussion on Impeachment Hearing Ground Rules” kag “Initial Hearing on the Impeachment Complaints” nga ginpasaka sang duha ka grupo sang complainants.
Nabutang man sa agenda ang “Other Matters” lakip na ang pag-akto sa mga nabilin nga mosyon ukon hingyo para sa subpoena, schedule sang mga masunod nga hearing, kag pagtumod sa mga resource persons kag testigo nga imbitaron para sa una nga full hearing sa Abril 14.
