Kumpiyansa ang House prosecution panel nga supisyente ang ila mga ebidensya agud mapamatud-an ang apat ka Articles of Impeachment batok kay Vice President Sara Duterte sa nagahilapit nga trial sa Senado.
Suno kay lead prosecutor kag Batangas Rep. Gerville “Jinky Bitrics” Luistro, pag-on ang ang mga nakolekta nga ebidensya naggikan sa nagkalain-lain nga imbestigasyon sang Kamara, kalakip ang topiko natuhoy sa confidential funds, unexplained wealth, bribery, kag gina-alegar death threats batok sa mga matag-as nga opisyal sang gobyerno.
Ginpahayag ni Iloilo Rep. Lorenz Defensor nga madugay na nga ginapreparahan sang prosecution team ang kaso kag handa sila nga magpresentar sang dugang nga mga testigo kag ebidensya sa Senado.
Ginpahayag ni Bicol Saro Party-list Rep. Terry Ridon nga kalakip sa posible nga ipresentar nga ebidensya amo ang mga dokumento naggikan sa BIR kag Anti-Money Laundering Council (AMLC) angot sa bank transactions ni Duterte kag sang iya nga bana.
Para naman sa bribery case, ginpahayag ni Manila Rep. Joel Chua nga ila pagagamiton ang mga testimonya kag ebidensya nga nauna na nga ginplastar sa Kamara natuhoy sa ginaalegar pagsuhol sang cash envelopes sa pila ka mga opisyal sang DepEd.
Ginpaathag ni Luistro nga bug-os ang ila pagsalig nga mapamatud-an ang tanan nga reklamo nga ginpasaka batok sa bise presidente.
