Ginpanginwala sang kampo ni Vice President Sara Duterte nga ginatuyo sini nga mapunggan ang pagpagwa sang iya bank kag tax records nga ginapangayo sang House prosecution panel sa impeachment trial.
Suno kay Atty. Michael Poa, spokesperson sang defense team nga wala nagakahadlok nga ipagwa ang bank records sang Bise Presidente apang luyag lamang nila nga masiguro nga ang proseso ang nasanto sa layi kag sa constitution.
Panindugan pa sang depensa nga maathag ang pahayag sang Korte Suprema angot sa kinamatarong sa privacy kag due process gani ini ang ila ginapahanumdom sa mga senador nga nagserbe nga judge sa impeachment trial.
Madumduman nga gintalakay sa ika-anum nga adlaw sang trial ang liwat nga paghingyo sa House prosecutors nga magpagwa ang Senado sang subpoena agud nga makakuha ang bank records kag tax documents nanday Vice President Sara Duterte kag Atty. Mans Carpio.
