Nagfile sang Resolution of Both Houses No. 2 ang House Young Guns agud iduso ang ammendment sa 1987 Constitution paagi sa Constitutional Convention (Con-Con).
Ang nasambit nga hagna ang gin-author ni Deputy Speakers Paolo Ortega, Jay Khonghun kag Deputy Majority leaders Ernix Dionisio, Zia Alonto Adiong, Rodge Gutierrez kag Eduardo Rama, Lordan Suan.
Tinutuyo sang hagna nga panubuon ang age requirement nagikan sa 40-anyos sa 35-anyos para sa Presidente kag Bise-Presidente samtang para sa Senador naman, nagikan sa 35-anyos, ini ang mangin 30-anyos.
Suno sa iya, tion na agud amyendahan ang layi nga nagatalana sang edad sang isa ka indibidwal agud magserbi ilabi na sa pagka-Presidente, Bise-Presidente kag Senador.
Dugang pa sini nga 52 porsyento sa populasyon sa karun ang naga-edad sang 30-anyos kun sa diin ginapakita nga makasarang mana ng mga ini nga mamuno.
Suno sa mga mamalidha, tion na agud mabatian ang tingog sang bag-o nga henerasyon.
