Kun kis-a mabasahan natun ang social media post nga nagalahog nga “vlogger na tanan nga tawo sa amon barangay.”
Ini bangod sa pagduging sang mga content creators nga makita natun sa bisan diin nalang nga lugar kag bisan diin nga sektor, apang kun ikaw vlogger, ano ang sarang mo nga himuon para sa views?.
Nagapangatubang sang kaso ang isa ka lalaki sa Mandaon, Masbate may kaangtanan sa animal cruelty, matapos sini ginvideo ang pagkastigo sang ido tubtob nga mapatay bangod lamang luyag sini nga makaangkon sang madamo nga views online.
Makita sa video nga ginpost sa forum sang animal lovers, kun sa diin ang ido ang ginhigot kag makapila nga ginlampusan sa ulo sang lalaki tubtob nga ini ang napatay.
Naalarma naman gilayon ang Animal Welfare Investigation Project sang makita ang video.
Suno kay Greg Quimpo, regional director of Animal Welfare Investigation Project, nagapati ini nga para sa content ang ginhimo sang lalaki kag sila ang ginapatalang sini ang mga tumalan-aw bangod sa pagpakuno-kuno sini nga siya ang taga Tagum, Davao del Norte.
Gilayon naman nga natumod sang animal welfare advocacy group ang matuod-tuod nga address kun sa diin natabo ang insidente kag nagkoordinar sa personnel sang Barangay Kabitan, nga amo ang nagkilala sa suspect.
Ang suspect nga ginkilala lamang nga si Alyas Tantan, ang nanindugan nga nagapangagat kag nagapanglagas sang mga nagalabay ang nasambitan nga ido.
Dugang pa sini nga nakaligad pa nga tuig sang ginhimo sini ang pagpatay, kag ini ang iya man nga ginahinulsulan.
Paathag pa sini nga siya ang wala sini mahibal-an ang layi tugoy sa sapat.
Ang suspect ang nagpangayo man sang pasaylo sa ginhimo kag nagpahayag nga indi na ini pagsuliton pa.
Ginpanginwala naman sini ang alegasyon nga ginpatay sini ang ido para sa views online, sa panindugan nga wala siya makahibalo nga may-ara sang nagavideo sang iya ginhimo.
Suno naman kay Quimbo, apisar sa pagpanginwala ni Tantan nga nakahibalo nga may nagavideo, ini ang binutig bangod sa ikaduha nga paglampos sa ido ang suspect ang nagtulok pa sa cameraman.
Si Tantan ang mangatubang sang kaso sa paglapas sa Animal Welfare Act, nga katumbas sang anom ka bulan tubtob duha ka tuig nga pagkapriso kag multa nga indi magnubo sa P100,000.
Sa karun ginapangita pa sang otoridad ang persona nga nagavideo kag nag-upload sini.
