Nakit-an na kaina sang aga ang bangkay sang ikaduha nga bakero nga na-missing sa Bago River, Barangay San Miguel banwa sang Murcia.
Sa interview sang Bombo Radyo Bacolod kay P/Lt. John Paul Tabujara, hepe sang Murcia Municipal Police Station, ginpahayag sini nga nasapwan na lamang nga nakasampay sa higad sang suba ang bangkay ni Paquito Benedicto sa Gibwanan Asia River, Hacienda Lizares, Purok Katilingban, Barangay San Miguel, Murcia pasado alas-10:00 kaina sang aga.
Kahapon, nasapwan man ang bangkay sang upod sini nga si Rupuerto Untal Jr. sa Bago River, Purok Calibago, Barangay Lopez Jaena sa amo gihapon nga banwa.
Nahibaluan nga Biyernes sang gab-i sang nadula ang duha matapos naanod sa suba sang hinali lang nagdaludo ang tubig.
May dala sila nga lima ka karbaw nga ila ginpatubog kag sang patabok kuntani sa suba kun sa diin isa lang ang nahingagaw salbar samtang wala pa makita ang apat.
