Napasakaan na sang kaso ang apat ka mga suspetsado nga nagsakit sa 11 anyos nga bata nga babayi sa ciudad sang Talisay.
Gin-file ang kaso nga Republic Act 7610 ukon Anti-Child Abuse batok sa apat ka mga suspetsado sang Lunes nga ginalakipan sang iya iloy, duha ka tiyo kag live-in partner sang isa niya ka tiyo nga yara sa karon sa kustodiya sang Talisay City Police Station.
Sa karun, ang biktima ang yara gihapon sa Teresita Lopez Jalandoni Provincial Hospital sa Silay City, nga amat-amat naman nga nagarecover.
Madumduman nga ang bata ang ginkastigo sang iloy sini, matapos nga wala sini mapuno ang ginpasag-uban nga drum, kag ginsugo man sini nga magbulig kastigo ang duha ka tiyo kag tiya sang biktima.
Samtang ginakastigo, bangod yara sa tupad sang hinuptan nga pitbull, ang bata ang makapila man ka beses nga ginkagat sang ido.
Ginlampusan man sang mga ini sang martilyo kag tubo ang kamot sang bata kag ini ang madugay naman nga ginasakit.
Ang bata ang ginsulod pa sang iloy sa septic tank kag ginpahog nga sunugon kun ini ang magpalagyo.
Nahimo naman nga makapalagyo sang bata kag makapangayo sang bulig.
