Nagdihon ang grupo nga Amlig Kuryente sang petition nga nagapanawagan sang imbestigasyon kag pagpasaka sang kaso batok sa mga miyembro sang Board of Directors kag sang management sang Central Negros Electric Cooperative.
Sa interview sang Bombo Radyo kay former Bacolod City Councilor Wilson Gamboa, magluwas sa reklamo sang mga konsumidor nga ginpadangat sa opisina ni Mayor Alfredo Benitez, nakabutang man sa petisyon nga nagpirma ang CENECO sang illegal contracts kag nagasukot sang mataas nga electricity rate.
Suno sa grupo, nagpirma ang CENECOP sa 40-megawatt Power Supply Agreement kaupod ang Kepco Salcon Power Corp. (KSPC) sa rate nga P5.42 per kilowatt hour (kWh) nga nag-expire sang Mayo 25 subong nga tuig.
Kasunod sang expiration suno sa grupo, gin-extend sang CENECO ang kontrata nga ginbaton man sang Kepco Salcon sa 20 megawatts sa sulod sang isa ka tuig.
Suno diri, P5.42 per KWH ang rate batok sa winning Competitive Selection Process price nga P3.29 per KWH ukon mas manubo kuntani sang P2.13 ukon P368 million kada tuig.
Suno sa Amlig Kuryente, ini ang dugang sa 24 megawatts nga Power Supply Agreement nga illegal man nga gin-extend.
Bangud wala sang Power Supply Agreement suno sa group, ang Time of Use Rate ang dapat nga magaapply as prescribed sa Power Sector Assets and Liabilities Management Corp. (PSALM) apang ang KSPC ang nagademand sa CENECO nga magbayad sang P5.42 KWH santo sa kontrata.
Bangud ang member-consumers ang nagabayad lamang sang Time of Use Rate nga P3.70, yara sa karon sa hot water ang Board of Directors sang P1.72 nga diperensya ukon masobra P280.2 million as of December 2021.
Matapos ang December 2021, gindeklarar sang Kepco Salcon kag ginpahibalo ang CENECO sang notice of default sang P280.2 million nga nagterminate sang 20 megawatts extension agrement kag ang 24 megawatts nga magaexpire subong nga tuig ukon kabug-usan nga 44 megawatts.
Suno kay Gamboa, nagapalibot sila sang petition nga paimbestigaran ang CENECO agud nga mapasabat ang mga opisyales nga dapat kasuhan paagi sa pagfile sang class suit.
Ang petition sang mga grupo ang furnished kay Mayor Alfredo Benitez, Office of the President kag Senator Raffy Tulfo nga amo ang chairman sang Senate committee on energy.
