Ginkasubo kag gin-kadismaya sang pamilya ni retired police major Lito Pirote nga gin-abduct nga wala sa gihapon sang traces kag imbestigasyon ang Bacolod City Police Station 2 kag National Bureau of Investigation tuhoy sa natabo nga abduction.
Sa exclusive interview sang Bombo Radyo Bacolod sa bata ni Police Major Lito Pirote nga naghingyo nga indi na paghingadlan sa kahanginan, nag-padulong sila sa talatapan sang Police Station 2 agud kuntani makighinun-anon sa hepe, apang ila ginkakibot nga janitor sang estasyon ang nag-atubang sa ila kag ginhambalan nga naka-vacation leave ang iban nga mga personnel sang nasambit nga Police Station, apang ulihi na lang sila gin-atubang sang imbestigador.
Ginpahayag man sini nga gin-patyan siya sang cellphone sang isa ka empleyado sang NBI bangud sa pag-pamangkot sini tuhoy sa imbestigasyon sa pag-abduct sa ila amay.
Wala pa tubtob subong nahibaluan kun sa diin na kag kun ano na ang natabo sa ila amay rason nga luyag lamang kuntani sang pamilya Pirote sang madasig nga pag-responde sang mga otoridad.
Kun mahibaluan, natabo ang abduction sadtong udto sang Biernes Santo sa diin may thanks giving party si Pirote sa iya abogado sa Metro Inn Hotel sa syudad sang Bacolod bangud na dismissed na ang kaso sini may angot sa drug matrix list ni Presidente Rodrigo Duterte nga nalakip ang iya pangalan nga naga-transaksyon sa illegal drug trade sa pungsod.
