Pormal na nga gindismiss sang House of Representatives ang impeachment complaint batok kay President Ferdinand Marcos Jr.
Ini kasunod sang boto nga 284 YES – 8 NO – 4 Abstention.
Ang boto ang sobra sobra pa sangsa required nga one-third votes gikan sa House members nga kinahanglan bilang suporta sa committee report.
Ang rekomendasyon sang komitiba sa pagbasura sa complaint ang ginsponsor ni House Committee on Justice chairperson Rep. Jinky Luistro sa plenary session kahapon, Pebrero 10.
Ini kasunod sang ruling sang House panel nga ang impeachment complaints ang “sufficient in form” apang “insufficient in substance.”
Suno kay House justice committee chairperson Gerville Luistro, ang duha ka impeachment complaint ang wala sang nagakaigo nga basehan.
Pahayag sini nga dapat ginaderetso na ang pagbasura kag indi na hatagan pa sang ligwa ang pamulitika.
Paathag pa niya nga ang interes sang pumuluyo amo ang dapat mangin prayoridad sa tanan nga desisyon sang kapulungan.
Pahanumdom sini nga ang impeachment isa ka tumalagsaon nga proseso, kag ang desisyon sang komitiba ang nagapakita sang istrikto nga pagsunod sa mga probisyon sang 1987 Constitution.
