Kompormi kaman bala kun butangan sang microchip ang imo nga hinuptan nga ido ukon kuring agud nga marehistro ang contact information sang agalon?.
Nahibaluan nga santo sa revised Law on Welfare and Management of Animals sa Japan, sumugod sa Hunyo mangin mandatory na ang pag-implant sang microchip kun sa diin nakabutang ang contact information sang agalon sang mga alaga nga ido ukon kuring.
Ang mga Breeders kag pet shops ang igarequire nga mag-implant sang microchip sa mga ido kag kuring antes ang mga ini ibaligya.
Tinutuyo sini nga malikawan nga basta nalang nga pabay-an sang mga agalon ang ila nga mga hinuptan, kasubong man mabuligan ang mga tag-iya sang kasapatan sa tion nga ang mga ini ang madula.
Kasubong man nga makabulig ang layi agud mabuhinan ang mga layaw nga kasapatan.
Suno sa opisyal sang P’s-first Company, isa ka major pet shop operator sa Tokyo, nga ang pag-implant sang microchip sa pets ang nagaduso agud nga ang mga agalon ang mangin mas determinado pa kag pagahuptan ang responsibilidad sa ila nga mga alaga.
Ginapakamaayo naman sini nga kalabanan sang ila nga mga customers ang nakahangop sa importansya sang pag-implant sang microchip.
Humalin sang 2006, ang kompanya ang boluntaryo na nga naga-implant sang chips sa tanan nga mga ido kag kuring nga ila ginabaligya.
Ang microchips para sa mga ido kag kuring ang cylindrical kag kapin 2 millimeters ang diameter kag 1 centimeter ang kalabataan.
Ini ang gina-insert paagi sa isa kla syringe sa likod nga bahin sang liog sang mga kasapatan.
Ang chip ang may records sang 15-digit identification number, nga nakatag sa pangalan sang agalon, address, telephone number kag iban nga impormasyon nga nakarehistro sa database nga gina-operar sang private entity.
Sa tion nga makita ang ido ukon kuring sa dalanon ukon sa diin paman nga lugar, ang tag-iya ang gilayon nga macontact santo sa impormasyon nga yara sa chips.
