Gin-ban sang Pilipinas ang importasyon sang animal products halin sa Germany bangod sa outbreak sang foot-and-mouth disease.
Santo sa statement nga ginpagwa sang Department of Agriculture (DA) kahapon, may yara sang temporary ban sa importing commodities sa kasapatan halin sa Germany bangod sa highly contagious virus.
Sang Enero 10, ginreport sang Germany sa World Organization for Animal Health (WOAH) ang kumpirmasyon nga nalatnan sang foot-and-mouth disease ang mga sapat nga buffalo sa municipality sang Hoppegarten.
Sa direktiba ni Agriculture Secretary Francisco Tiu Laurel Jr. magapabilin nga epektibo ang import ban sa Germany tubtob nga mangin FMD-free ang status sini.
Ang FMD ang isa ka highly contagious viral infection nga naga-apekto sa mga livestocks ilabi na sa mga baka, kasubong man sa mga baboy, kanding, karnero kag buffalo.
Sang tuig 2024, nagdangat sa 3,177.5 metric tons sang karne sang baka ang naimport gikan sa Germany kag ang pungsod man ang isa sa source sang karne sang baboy tubtob sang 2020 sang nag-impose sang separado nga ban bangod sa outbreak sang African Swine Fever sa Germany.
