Nagasaka na ang income sang Bacolod City Treasurer’s Office paagi sa updated nga pagbayad sang renta sang mga stall owners sang Manokan Country kag sang tatlo ka dalagko nga mga merkado sa ciudad.
Sa interview sang Bombo Radyo kay City Legal Officer Atty. Romeo Carlos Ting Jr., santo sa agreement sang ciudad sa mga stall owners sa Manokan Country, ang ila first payment sang ila mga arrears kag monthly payment nga P2,400 ang magasugod sa katapusan sang bulan sang Nobyembre gani amu ini sa karun ang ila ginabantayan.
Samtang, nakahatag naman sang notice ang City Legal Office sa mga stall owners sa mga merkado nga may yara sang unpaid arrears.
Suno diri, malapit 90 porsyento sa merkado ang ginhatagan sang notice sang Oktubre nga sila ang dapat magbayad sang 10 percent sang ila arrears kada bulan.
Sa karun wala pa ini sang rekord kun sila ang nagcomply apang nagsaka naman ang collection sa merkado santo sa data sang City Treasurer’s Office.
Nagpanugyan si Ting nga dapat bayaran sang mga stall owners ang ila mga arrears agud indi mangin mabug-at para sa ila kun mag-implementar ang ciudad sang pagpanukot.
